May 18, 2011

Որքա՞ն արժե աշխատուժը

Անվիճելի է, որ ցանկացած աշխատող, որին ընդունում ենք աշխատանքի, պետք է մի քանի անգամ ավելի օգուտ տա ընկերությանը, քան նրա վրա արվող ծախսերն են: Հարց է առաջանում, ինչպե՞ս ճիշտ հաշվել,  որքան արժե աշխատուժը:

Շատերի կարծիքով դա շատ հեշտ է և կազմված է.
  1. Աշխատավարձ
  2. Պարգևավճարներ և բոնուսներ
  3. Եկամատահարկ և սոցիալական վճարներ
  4. Թրեյնինգների և վերապարտաստման գումարներ
  5. Հավելավճարներ` ապահովագրություն, բջջային հեռախոս, կորպորատիվ հավաքույթներ, ավտոմեքենա և այլն
  6. Անուղղակի ծախսեր` տարածքի վարձակալություն, օդափոխություն, ջեռուցում, սուրճ և այլն:
Վեց ակնհայտ կետեր, որոնք բավարար չեն իրականությունը ներկայացնելու համար:

Իրականում ի՞նչ կարելի է, նույնիսկ անհրաժեշտ է ավելացնել այս վեց կետերին: Երբևէ հաշվե՞լ եք, թե աշխատողի վատ աշխատանքի պատճառով որքան հաճախորդ և հետևաբար որքան չստացված շահույթ է կորցնում ընկերությունը: Այս երևույթը կարող է տեղի ունենալ նույնիսկ հեռախոսային ոչ գրագետ խոսակցության արդյունքում:

Երբևէ հաշվե՞լ եք, թե որքան վնասներ է կրում ընկերությունը աշխատողի արած սխալները ուղղելու համար: Ընկերությունը ծախսեր է անում աշխատողի խոտանված, անորակ արտադրանքի դիմաց, իսկ աշխատողը շարունակում է իր սխալները թույլ տալ:

Կամ առավել հաճախ հանդիպող մի երևույթ, երբ ղեկավարը, ցանկանալով խուսափել այդ սխալներից, ենթակայի աշխատանքի մի մասը անձամբ է կատարում: Այս դեպքում ևս գործ ունենք «քողարկված ծախսերի» հետ, որոնք փորձենք թվայնացնել:

Ենթադրենք Ղեկավար Ա-ն բացի իր անմիջական պարտականություններից կատարում է նաև Աշխատող Բ-ի ֆունկցիաները, որոնց վրա ծախսում է իր ընդհանուր աշխատաժամանակի 20%-ը:

Ղեկավար Ա-ի ամսական աշխատավարձը կազմում է 400,000 ՀՀ դրամ
Աշխատող Բ-ի ամսական աշխատավարձը կազմում է 100,000 ՀՀ դրամ
Որքա՞ն քողարկված կորուտներ է ունենում ընկերությունը:

Քողարկված ծախսը կազմում է 80,000 դրամ(400 000-ի 20%-ը) - 20,000 դրամ (100 000-ի 20%-ը) = 60,000 դրամ ամսական: Տարեկան դա կկազմի 60,000*12=720,000 դրամ:
Դրան կավելանա նաև Աշխատող Բ-ի 20,000 դրամը (Այն չկատարված ֆունկցիաների համար, որոնք կատարել է իր փոխարեն Ա-ն):Տարեկան կկազմի 240,000 դրամ:
Ղեկավար Ա-ն չի կատարել իր անմիջական ֆունկցիաների 20%-ը` 80,000 դրամ:       Տարեկան կկազմի 960,000 դրամ:
Արդյունքում ընկերությունը տարեկան 1,920,000 դրամի «քողարկված կորուստներ» է ունենում:

Կարելի է նաև ավելացնել այն ժամանակը, որ երբեմն ստիպված է լինում ղեկավարը ծախսել ենթականերին այն բաները սովորեցնելու համար, որոնք նրանք պետք է իմանային, ենթակաների կոնֆլիկտները հարթելու, անձնական պրոբլեմները լսելու և այլնի համար:

Հուսով եմ, որոշ չափով հստակեցրեցի, թե իրականում որքան արժե «աշխատուժը», որքան «քողարկված» ծախսեր գոյություն ունեն, որոնք էական դերակատարում ունեն ընկերության գործունեության մեջ :)

Կարծում եմ մեկ այլ հոդվածի թեմա կարող է լինել որքա՞ն «չօգտագործվող պոտենցյալ» կա ընկերությունում, ինչպես բացահայտել և օգտագործել այն:

9 comments :

  1. Շատ հետաքրքիր մոտեցում է: Երբեք չէի մտածի, թե ինչքան կուրսուսներ ունենք: Շնորհակալություն լավ գաղափարների համար:

    ReplyDelete
  2. Նշված կորուստների պատճառներին կցանկանայի ավելացնել նաև աշխատակիցների ուշացումները: Քանի որ մեր ընկերությունը (FlexAp) մշակել է Աշխատակիցների Հաճախումների Կառավարման Համակարգ, մենք կատարել ենք հաշվարկ, ըստ որի, եթե ընկերությունում աշխատում են 50 աշխատակից, ովքեր աշխատում են շաբաթական 40 ժամ և ստանում են միջինում ամսական 150 000 ՀՀ դրամ աշխատավարձ, ապա օրական 15 րոպե ուշացման դեպքում այդ ընկերությունը տարեկան կորցնում է մոտ 2 800 000 ՀՀ դրամ:

    ReplyDelete
  3. Հետաքրքիր է, քանի ընկերությունների տնօրեններ են այս մասին մտածել?

    ReplyDelete
  4. Եթե շատ խորանանք, ապա պետք է հաշվարկել աշխատաժամանակի այն հատվածները, որոնց ժամանակ աշխատակիցները ֆիզիկապես գտնվում են աշխատավայրում, սակայն իրենց պարտականություններով չեն զբաղվում: Մասնավորապես, սոցիալական ցանցեր, չափից ավելի շատ անձնական խոսակցություններ, ձգձգված ընդմիջումներ, և այլն, և այլն:

    ReplyDelete
  5. "Կարելի է նաև ավելացնել այն ժամանակը, որ երբեմն ստիպված է լինում ղեկավարը ծախսել ենթականերին այն բաները սովորեցնելու համար, որոնք նրանք պետք է իմանային, ենթակաների կոնֆլիկտները հարթելու, անձնական պրոբլեմները լսելու և այլնի համար:"

    Ես չհասկացա,բա ղեկավարի բանուգործն ի՞նչ ա:

    ReplyDelete
  6. Blogger-ը վերջապես վերականգնվեց: Լավ հոդված է, հետաքրքիր մոտեցում: Արժե մտածել այս մասին:

    ReplyDelete
  7. մի բանը երկու անգամ եք հաշվել. կոնկրետ երկրորդ կետը ավելորդա հաշված

    ReplyDelete
  8. Երկրորդ կետով մենք հաշվել ենք պարապուրդի արժեքը, այսինքն` աշխատող Բ-ն իրականում չի կատարել իր աշխատանքը, սակայն ստացել է այդ աշխտանքի համար հասանելիք աշխատավարձի իր մասը(20,000 դրամը): Իսկ աշխատող Ա-ն այդ ժամանակ իրականացրել է աշխատող Բ-ի պարտականությունները(20,000դրամ) և չի կատարել իր պարտականությունները, որոնց արժեքը 80,000 դրամ է: Հետևաբար` ոչ թե երկու անգամ է հաշված այդ ծախսերը, այլ ընկերությունը իրականում կրկնակի ծախս է ունենում :

    ReplyDelete
  9. Իսկ ինչու եք հարցին միակողմանի նայում: Դուք հաշվարկել եք գործատուի կորուստները, իսկ աշխատողների շահերը?

    ReplyDelete