Այսօր Հայաստանում գլխավոր հաշվապահների գործառույթները շատ բազմազան են: Այս պաշտոնը զբաղեցրած աշխատակցի գործունեության մեջ մտնում է և' կառավարչական, և' հարկային, և' ֆինանսական հաշվապահությունների իրականացումը: Այսօր շատ ընկերություններ գանձապահի և կադրային գործի համար ստեղծում են առանձին հաստիքներ: Սակայն կան նաև այնպիսի ընկերություններ, որտեղ գլխավոր հաշվապահը, ունենալով մի քանի օգնականներ, ստանձնում է մենեջերի ֆունկցիա: Մեկ այլ ընկերությունների խումբ ընկերության կառավարման պատասխանատվությունը հանձնում է հաշվապահին:
