Յուրաքանչյուր ձեռնարկությունում գործունեության որևէ փուլում բիզնես պլան մշակելու կարիք է առաջանում: Նպատակները կարող են լինել տարբեր. ներքին պլանավորում, ներդրումների ներգրավում, գործընկերների ձեռք բերում, վարկերի ստացում:
Անկախ նպատակից` բիզնես պլան մշակելու համար գոյություն ունի երեք տարբերակ:
- Ներգրավել ձեռնարկության մասնագետների ուժերի,
- Պատվեր տալ անկախ խորհրդատավական ընկերությանը,
- Օգտագործել բիզնես պլանների օրինակելի ձևեր:
Առաջին դեպքը կիրառելի է խոշոր ընկերությունների համար, որտեղ աշխատող մասնագետներից (մարքեթինգի մենեջեր, ֆինանսիստ, անձնակազմի կառավարման պատասխանատու և այլն) կազմվում է թիմ, որը պատասխանատվություն է կրում բիզնես պլանի մշակման համար:
Երկրորդ դեպքից ամենաշատը օգտվում են միջին չափի ընկերությունները, որոնք չունեն վերոհիշյալ մասնագետները կամ նրանք չունեն համապատասխան որակավորում, գիտելիքներ և փորձ բիզնես պլան մշակելու համար: Այս դեպքում ընկերությունը դիմում է խորհրդատվական ընկերության, որտեղ ձեռնարկության կողմից տրամադրվող տեղեկատավական աջակցության պայմաններում մշակվում է բիզնես պլանը:
Ամենատարածված տարբերակը երրորդն է, երբ խորհրադատվական ընկերությունը մշակում է օրինակելի բիզնես պլանների տարբերակներ, իսկ փոքր ձեռնարկությունները, ձեռք բերելով այդ ձևաթղթերը, լրացում են իրենց ձեռնարկության մասին տեղեկությունները, ապրանքների վերաբերյալ տվյալները, ինչպես նաև բիզնես պլանի համար անհրաժեշտ այլ կարևոր տեղեկատվությունը: Արդյունքում նրանք ստանում են պատրաստի բիզնես պլան:
Օրինակելի բիզնես պլանները ունեն մի քանի առավելություններ փոքր ձեռնարկությունների համար.
- Նրանք անհամեմատ էժան են առաջին և երկրորդ տարբերակներից,
- Բիզնես պլան ունենալու համար անհրաժեշտ է 2-3 օր,
- Բիզնես պլանի օրինակելի ձևի լրացման ընթացում փոքր ձեռնարկությունում ձևավորովում է բիզնեսի պլանավորման և կանխատեսումների ներքին կարողություններ
Առաջին հերթին պետք է մտածել բիզնես պլանի անհրաժեշտության մասին, որը բոլոր ձեռնարկություններին է պետք:
ReplyDelete