Վերջերս տարբեր հարթակներում, հատկապես սոցիալական ցանցերում, շատ են ակտիվացել քննարկումները այն մասին, թե ինչու՞ հաճախել թրեյնինգների, եթե կարելի է այդ նույն թեմայով գիրք կարդալ, որը լիովին բավարար է: Ավելին, թրեյնինգների մասնակցության համար պետք է վճարել միջինում քսան հազար դրամ, իսկ համապատասխան թեմայով գիրքը կարելի է գնել` վճարելով ընդամենը 2000-5000 դրամ:
Կուզենայի ներկայացնել իմ տեսակետը այս թեմայի վերաբերյալ: Կարծիք, որը հիմնված է 20 տարվա փորձի վրա, որը կուտակվել է հազարավոր ընկերությունների համար մշակված և մատուցած թրեյնինգային ծրագրերի արդյունքում: Իմ կարծիքով գիրքը և թրեյնինգի մասնակցությունը ամբողջապես փոխլրացնում են միմյանց: Առանց մեկի պատկերը կարծես ամբողջական չի լինում: Ավելին` որևէ թրեյնինգի մասնակցելու համար նույնիսկ ցանկալի կլինի ծանոթանալ այդ թեմայով որևէ նշանավոր հեղինակի գրքի: Բացատրեմ, թե ինչու:
Բիզնեսի վերաբերյալ գրքի ընթացումը հնարավորություն է տալիս.
- Ծանոթանալ միջազգային փորձին
- Տեղեկանալ աշխարհում կիրառվող մեթոդներին
- Գրքում ներկայացված գործիքները փորձել կիրառել աշխատանքում
Թրեյնինգը դա.
- Ունակությունների և կարողությունների ձեռք բերում է
- Հմտությունների հղկում է պրակտիկ վարժությունների և խաղերի միջոցով
- Փորձի փոխանակում է թրեյնինգի այլ մասնակիցների հետ
- Խմբի մասնակցիների կողմից ներկայացված կոնկրետ դեպքերի քննարկում, վերլուծություն և լուծումների փնտրում
- Ներկայացվող մեթոդների, գործիքների և մոտեցումների ամբողջական ադապտացում հայկական պայմաններին:
Իսկ թրեյնի՞նգը: Այստեղ մասնակիցը հնարավորություն է ստանում պրակտիկ հղկել իր ունակությունները, ասենք աշխատանքի ընդունման հարցազրույց վերցնելով մեկ մասնակցից: Այս դերակատարումը քննարկվում է, վերլուծվում է, որի արդյունքում ստացվում է լավագույն տարբերակը` հիմնված կատարված սխալների և դրական մոտցումների վրա:
Գիրքը գիտելիք է տալիս, իսկ թրեյնինգների ժամանակ փորձ է կուտակվում: Գիրքը տալիս է տեսական նյութ և որոշ օրինակներ` ասենք ամերիկյան կամ ռուսական ընկերություններից: Իսկ թրեյնինգների ընթացքում գիտելիքները պրակտիկ կիրառվում են, փորձարկվում են, քննարկվում են տարբերակներ և փորձում են գտնել լավագույն տարբերակը` բոլոր մասնակիցների ներգրավմամբ: Գիրքը գեղեցիկ և խելացի մտքերի շտեմարան է, իսկ թրեյնինգը ունակությունների զարգացում:
Եվս մեկ կարևոր հանգամանք. կարելի է կարդալ հազարավոր գրքեր և ընթերցանության վրա ծախսել բավականին շատ ժամանակ: Իսկ թրեյնինգների ընթացքում կարճ ժամանակում փորձառու մասագետի կողմից ներկայացվում են մասնագիտական գրքերից ամենախելացի, ամենակարևոր մտքերը, գաղափարները: Մասնակիցները գրառում են դրանք, փորձում կիրառել, հետագայում ավելի խորությամբ ուսումնասիրել դրանք:
No comments :
Post a Comment