April 12, 2013

BSC-ն ստացել է OMCP սետիֆիկացման հատուկ իրավունքը

«Բի-Էս-Սի» (BSC) Բիզնեսի Աջակցման Կենտրոնը  հատուկ իրավունքներով ձեռք է բերել Հայաստանում ինտերնետ-մարքեթինգի մասնագետների OMCP (Online Marketing Certifed Professional) սետիֆիկացման իրավունքը:


Ինչպես Մեդիամաքս-ի թղթակցի հետ զրույցում նշել է BSC-ի հիմնադիր տնօրեն Սամվել Գեւորգյանը, OMCP-ին օնլայն-մարքեթինգի միջազգային հավաստագրման ստանդարտ է եւ համարվում է ոլորտի մասնագետների որոկավորման բարձրագույն մակարդակ: «OMCP հավաստագրի շնորհման իրավունք ունեն միջազգային թրեյնինգային միայն մի քանի ընկերություններ, եւ այժմ BSC-ի ջանքերի շնորհիվ այդ հավաստագիրը հնարավոր է ստանալ նաեւ Հայաստանում: Հատկանշական է, որ ինտերնետ-մարքեթինգի մասնագետների համար միջազգային բարձրագույն «դպրոցը» OMCP սերտիֆիկացումն է»:


Սամվել Գեւորգյանի խոսքերով, BSC-ն ավելի քան 5 տարի է լայնածավալ գործունեություն է իրականացնում ինտերնետ-մարքեթինգի ոլորտում, եւ այդ տարիների ընթացքում բավականին լուրջ ձեռբերումներ են գրանցվել ինտերնետում մասնավոր ձեռնարկությունների առաջխաղացման, նրանց հաճախորդնեի թվի, վաճառքի ծավալների եւ շահույթների ավելացման գործում: «Եվ այսօր, ընդլայնելով գործունեությունը, մենք սկսում ենք ինտերնետ-մարքեթինգի ոլորտի մասնագետների պատրաստման եւ սերտիֆիկացման գործընթացը»:



BSC-ի ղեկավարի փոխանցմամբ, մեկնարկող դասընթացների շնորհիվ Հայաստանի ինտերնետ-մարքեթինգի բնագավառի մասնագետները հնարավորություն կունենան լսել միջազգային փորձը ներկայացնող առաջատար մասնագետների զեկույցները, ծանոթանալ ինտերնետ-մարքեթինգի դրույթներին, ունենալ կազմակերպված եւ համակարգված մոտեցումներ բիզնեսի օնլայն զարգացման բնագավառում: 



“Եվ ամենակարեւորը` ստանալ միջազգային հավաստագրեր, որոնցով մասնագետները կարող են իրենց գիտելիքները կիրառել ոչ միայն Հայաստանում, այլեւ արտերկրում, ընդ որում՝ զարգացած երկրներում”,- նշել է Գեւորգյանը:



OMCP դասընթացների թեմաները բազմաբնույթ են՝ Facebook մարքեթինգ; YouTube եւ վիդեո-մարքեթինգ; վեբ-վերլուծություններ (Web Analytics Competitive Intelligence Analysis); KPI ցուցանիշների վերլուծություն եւ գործիքներ (KPI Analysis & Techniques); հատվածավորում, վեբ-վերլուծությունների հաջողության բանալին (Segmentation: Key to Web Analytics Success) եւ այլն: Ընդհանուր առմամբ առաջարկվում են 20-ից ավելի թեմաներ:



Դիմորդը պետք է տիրապետի անգլերեն լեզվի, քանի որ բոլոր նյութերը (տեսահոլովակներ, առցանց դասախոսություններ, հոդվածներ) տրամադրվում են միայն ամերիկյան մասնագետների կողմից: Ինչպես նշել է Սամվել Գեւորգյանը, մինչ օրս BSC-ն մատուցում էր միայն ինտերնետ-մարքեթինգի ծառայություններ, մինչդեռ այս նախագծով ընկերությունը աջակցում է ինտերնետ-մարքեթինգի մասնագետների ունակությունների, գիտելիքների եւ կարողությունների բարձրացմանը:

«Ինտերնետ-մարքեթինգի նպատակն ընկերության բիզնեսի զարգացումն է: Ուստի  անհրաժեշտ է ունենալ մշտապես վերապատրաստվող եւ ժամանակակից տեխնոլոգիաների, թարմացվող գիտելիքների եւ միտումների մասին տեղեկացված մասնագետներ:  Շատ հայ մասնագետներ գիտակցում են այդ պահանջը, եւ այսօր նրանց ցանկությունները իրականություն են դառնում՝ ի շնորհիվ առաջարկվող OMPC դասընթացների եւ հավաստագրման: Միայն միջազգային չափանիշներին համապատասխան մասնագետների առկայությունը կարող է Հայաստանի տնտեսության արդյունավետությունը բարձրացնել մեկ աստիճան եւս` ավելացնելով հայաստանյան ընկեությունների մրցունակությունը տարածաշրջանային եւ միջազգային շուկաներում: Ի դեպ, BSC-ի ինտերնետ-մարքեթինգի մասնագետներից մեկն արդեն ստացել է OMCP սերտիֆիկացում վեբ-վերլուծությունների բնագավառում, իսկ 2-ի սերտիֆիկացումը ընթացքի մեջ է»,- ընդգծել է Սամվել Գեւորգյանը:

Հոդվածի աղբյուրը` banks.am

No comments :

Post a Comment