January 26, 2017

Ձեռնարկատեր լինելու մասին. 1-ին մաս

Google-ի նախկին աշխատակից և Hacker Earth ծառայության հիմնադիր Սաչին Գուպտայի մտքերը ձեռնարկատիրության մասին: Նա սկսնակ ձեռներեցներին տալիս է տարբեր խորհուրդներ, թե ինչպես կայացնել որոշումներ, լինել առաջնորդ, ներգրավել ներդրումներ և անցկացնել խորհրդակցություններ…

Ընդհանուր Խորհուրդներ

Ձեռնարկատիրությունը չափազանց ծանր աշխատանք է: Կարևոր չէ, դուք պատրաստվել եք լինել ձեռնարկատեր թե ոչ, կամ ստացել եք հատուկ կրթություն: Միևնույն է, դա քիչ է:

Ձեզ կթվա, որ դուք տանուլ եք տալիս բոլոր ճակատներում: Բայց դա այդպես չէ: Դուք պետք է համառ լինեք:

Անորոշությունը ձեռնարկատիրական գործունեության բնորոշիչ հատկանիշ է: Ոչ մի երաշխիք չկա, որ դուք կդիմանաք մեկ տարի, մեկ ամիս, նույնիսկ մեկ շաբաթ: Ընդունեք դա որպես իրողություն:

Ղեկավարումը դա անցում է սևագործ աշխատանքից դեպի աշխատակիցներին հանձնարարություններ տալը` ընկերության աճին զուգընթաց:

6 Հիմնական Պարտականություն

Պատրաստվեք ընդունել բազմաթիվ որոշումներ: Եթե անփույթ լինեք, ապա ընկերության աճը կդանդաղի: Եթե իմպուլսիվ ու բռնկվող եք, ապա որոշումների որակը կընկնի:

Տեսլականի սահմանումն ու ընկերության նշանակության մասին պատմությունները ձեր պարտականությունն է: Դուք կարող եք ուրիշներից խորհուրդներ հարցնել, քննարկել, սակայն միայն դուք պետք է որոշեք, թե ինչ ուղղությամբ պետք է զարգանա ձեր ընկերությունը:

Դուք եք սահմանում ընկերության ներքին մշակույթը և ամենակարևորը, դուք եք այն պահպանում: Աշխատակիցները պատճենահանում են ձեր վարքագիծը:

Ձեր գլխավոր խնդիրը, որպես ձեռնարկատեր, հետևել որ ընկերությունում գումարների հոսքը չդադարի:

Ղեկավարը պարտավոր է մշտապես տեղեկացված լինել նոր ապրանքի կամ ծառայության զարգացման վերաբերյալ: Դուք կարող եք ձեզ ազատել կամայական այլ գործողություններից, բայց ոչ այս մեկից:

Ընկերության հաջողությունը կախված է թիմի պատրաստ լինելու մակարդակից: Ոչ մեկ չի կարող ամեն ինչ իմանալ աշխատանքի առաջին իսկ օրվանից: Ձեր պարտականությունն է  նրանց  սովորեցնել և պատրաստել:

12 Խորհուրդ Որոշումների Կայացման Գործընթացի Վերաբերյալ

Դուք երբեք չեք տիրապետի որոշումների կայացման համար անհրաժեշտ ամբողջական տեղեկատվության: Նմանատիպ դեպքերում կարևոր դեր կարող է կատարել ձեր ինտուիցիան:

Ինտուիցիան հնարավոր է զարգացնել: Հաջողակ գործարարները ընդունում են ճիշտ որոշումներ, ոչ թե այն պատճառով, որ ունեն ամբողջական տեղեկատվություն, այլ որ ունենք գիտելիքների մեծ պաշար: Սա ինտուիցիայի հիմքն է:

Դուք ի սկզբանե ավելի շատ կսխալվեք, քան կընդունեք ճիշտ որոշումներ: Ուղղակի պետք է սխալները գիտակցել վաղ շրջանում, սովորել նրանց վրա և երբեք չկրկնել այդ սխալները:

Դուք պետք է պատասխանատվություն կրեք սխալ որոշումների համար: Դուք պետք է ընդունեք ձեր սխալները ու մարդիկ ձեզ կհարգեն:

Փորձեք ժամանակ գտնել և թիմակիցներին բացատրել այս կամ այն որոշման կայացման հիմքը և նպատակը:

Մի հապաղեք որոշումներ կայացնելիս: Շատ դեպքերում որոշում կայացնելու փաստը ավելի կարևոր է, քան ճիշտ որոշումը: Հետագայում դուք ժամանակ կունենաք շտկելու իրավիճակը:

Վաղ թե ուշ կգա ժամանակը, երբ դուք պետք է այնպիսի որոշում կայացնեք, որին ոչ ոք չի հավատալու: Եթե դուք 100% վստահ եք, ապա մի հապաղեք և գնացեք առաջ: Ոչ ոք ձեզանից բացի, չի կարող տեսնել իրավիճակի ամբողջական պատկերը:

Ռազմավարական կարևոր որոշումներ կայացնելուց առաջ հրաժարվեք, ձեռնպահ մնացեք առօրեական օպերացիոն աշխատանքից: Ձեզ ամբողջական ազատություն է պետք: մոռացեք ամեն ինչ, ինչ որ ներկայումս կատարվում է ընկերությունում: Նոր հետո միայն սկսեք խորհել: Մնածեք, թե ինչպես կփոխվի ձեր ապագան, երբ կայացնեք այդ որոշումը:

Որոշակի որոշումներ կարող են փոխել ընկերության զարգացման ուղին: Դուք միշտ չէ, որ կարող եք կանխատեսել բոլոր հետևանքները:

Կան դեպքեր, երբ անհրաժեշտություն է ծագում թույլ տալ, որ իրադարձությունները ինքնահոս զարգանան:

Եթե մտածում եք ոչ կոմպիտենտ աշխատակցին հեռացնել աշխատանքից թե ոչ, ապա հեռացրեք, մի մտածեք:

Եթե մտածում եք ոչ շահավետ ապրանքը կամ ծառայությունը հոսքագծից հանել թե ոչ, ապա անհապաղ հանեք, մի մտածեք:

Շարհունակելի… 

No comments :

Post a Comment