Սխալների վրա սովորելը վատ տարբերակ չէ, սակայն ինչու՞ սխալվել, եթե կարելի է խուսափել ավելորդ գլխացավանքից:
Ահա դրանցից մի քանիսը, որ գործարար մարդիկ առավել հաճախ են թույլ տալիս`
1.Նախագծի դիտարկումը որպես վերջնական արդյունք: Պատկերացրեք սկսում եք բիզնես պլան մշակել և այնքան եք դրանով տարվում, որ մոռանում եք Ձեր իրական նպատակը` բիզնեսը սկսելը: Այդ իսկ պատճառով հարկավոր է` սահմանել նպատակները`
- ստեղծել հեռավոր ծրագրեր
- մշակել գործողությունների ցանկ
- սկսել գործել
Իրենց նախաձեռնություններում հաջողության են հասնում նրանք, ովքեր ունենալով սահմանված նպատակներ` ճիշտ ժամանակին անցնում են դրանց իրականացմանը:
2.Սխալ պատկերացում իմիջի վերաբերյալ: Մեր իրականության մեջ իմիջի մասին սխալ ընկալում է նկատվում հատկապես սկսնակ բիզնեսմենների
մոտ: Վերջիններս փորձում են թանկարժեք կոստյումների, գրասենյակային շքեղ կահույքի և նմանատիպ այլ բաների միջոցով տպավորություն գործել: Իհարկե, այս ամենը կարևոր են, սակայն ոչ թե դրանք են ձևավորում Ձեր դեմքը բիզնես միջավայրում, այլ ճիշտ գործելաոճն ու առաջարկվող ապրանքի կամ ծառայության ճիշտ մատուցումը:
3.Անընդհատ նոր գաղափարներով տարվելը: Մեր կյանքում լինում են այնպիսի շրջաններ, երբ միաժամանակ ծնվում են մի քանի հիանալի գաղափարներ, որոնք այնքան ոգևորիչ ու ցնցող են, որ մեզ իսկական շփոթության մեջ են գցում: Այսպիսի պարագաներում խիստ կարևոր է ճիշտ կողմնորոշվելը, քանի որ հնարավոր չէ միաժամանակ մի քանի բան անելով հասնել ցանկալի արդյունքի: Եթե չափից շատ աշխատանք նախաձեռնեք` միայն մի մասը կարող եք գերազանց կատարել:
4.Ժամանակի ոչ ճիշտ կառավարում: Ժամանակի կառավարումը բիզնեսի կարևոր գործոններից մեկն է: Այդ պատճառով որևէ նախագիծ կամ պատվեր իրականացնելիս
հարկավոր է սահմանել գործողությունների հստակ և իրական ժամկետներ:
5.Կատարյալ ապրանք կամ ծառայություն ստեղծելու ձգտումը: Երբեմն կատարելության
ձգտումը կարող է խոչընդոտ հանդիսանալ ապրանքը կամ ծառայությունը ժամանակին շուկա հանելու համար: Նախ և առաջ հարկավոր է մուտք գործել շուկա, հետո միայն սկսել կատարելագործել
այն` հիմք ընդունելով հաճախորդների արձագանքները: Մինչ սկսելը ուշադրություն դարձրեք այլ ձեռներեցների գործունեությանը, նրանց անցած ուղուն, հաջողություններին և կունենաք ավելի հստակ պատկերացում. Ինչպես սկսել սեփական բիզնեսը Հայաստանում:
6.Անհրաժեշտ գումարի ոչ ճիշտ հաշվարկում: Գաղտնիք չէ, որ ցանկացած նախագծի իրականացման փուլում ծախսերը միշտ գերազանցում են նախնական հաշվարկները: Պետք է հիշել, որ ինչպես սահմանած ժամկետը, այնպես էլ արժեքը կարող է փոփոխվել: Այս առումով ճիշտ կլինի, որ նախօրոք որոշ գումար հատկացնեք չնախատեսված ծախսերի համար:
7.Ժամանակից շուտ հանձնվելը: Հաջողության են հասնում այն ձեռներեցներն, ովքեր առավել ջանք են գործադրում իրենց աշխատանքի մեջ: Նախքան հանձնվելը վերլուծեք իրավիճակը, մի գուցե ցանկալի արդյունքի հասնելու համար մի փոքր ավելի ջանք է հարկավոր:
8.Չմտածված քայլեր: Բիզնեսը բավականին լուրջ երևույթ է, սակայն կարող է այնպես ստացվել, որ առանց նախօրոք մտածելու, ծանր ու թեթև անելու որոշում կայացնեք և հետևանքը մեղմ ասած չգոհացնի Ձեզ : Նման դեպքերում կարիք չկա այլևս ամբողջ ուշադրությունը
կենտրոնացնել այդ սխալի վրա, երկար մտածել թե ինչու այդպես ստացվեց: Պետք է ուղղակի առաջ գնալ` փորձելով հնարավորինս արագ շտկել իրավիճակը:
9.Սխալ ակնկալիքների սահմանում: Բոլորս էլ ինչ-որ չափով ուշադրություն ենք դարձնում մարդկանց կարծիքներին: Բիզնեսում նույնպես այդպես է: Որևէ ապրանք կամ ծառայություն շուկա հանելիս ակնկալում ենք միայն դրական արձագանքներ և, երբ ոմանց պահանջներին չի համապատասխանում
հուսահատվում ենք:
Ձգտեք որքան հնարավոր է բարձր արդյունքի և մի հուսահատվեք, երբ ինչ որ բան այնպես չի ստացվում, առաջ գնացեք և փորձեք անել ավելին…
No comments :
Post a Comment