Ձեռնարկատեր լինելու մասին. 3-րդ մաս*

Ժողովներ

Ձեզ դա դուր է գալիս թե ոչ, բայց դուք պետք է ժողովներ անցկացնեք: Կարևորը դրանց արդյունավետությունն է: Գոյություն ունի ժողովի երկու տեսակ. որոշումներ կայացնելու և աշխատակիցներին տեղեկատվություն տրամադրելու համար: Առաջինի արդյունավետությունը կախված է միայն ձեզանից, երկրորդինը` թիմի պատրաստվածությունից: Հրաժարվեք կամայական տեսակի ժողովներից, եթե դուք մտադիր չեք որոշում կայացնելու, կամ եթե դուք ոչինչ չունեք ասելու միմյանց:

Եթե անպատրաստ ներկայանաք ժողովին, դուք կծախսեք ներկաներից յուրաքանչյուրի ժամանակը: Գոյություն ունի ընդհանուր սկզբունք. յուրաքանչյուր մեկ ժամանոց ժողովին պատրաստվելու համար պետք է ծախսել 30 րոպեից ոչ պակաս:

Հարկավոր չէ ներկա լինել յուրաքանչյուր ժողովին: Որպես ընկերության հիմնադիր, ձեզ մոտ հնարավոր է առաջանա նման գայթակղություն: Պատրաստ եղեք դիմադրել:

Անկեղծ հարցրեք աշխատակիցներին, արդյոք կա ձեր ներկայության կարիքը: Եթե կա, ապա խնդրեք ուղարկել օրակարգը, և հստակեցրեք, ինչ է ձեզանից պահանջվում: Եթե ոչ` հրաժարվեք:

Աշխատանքի ընդունում  

Անկախ նրանից, որքան լավ եք կարողանում ճանաչել մարդկանց, միևնույն է վաղ թե ուշ դուք սխալ մարդու եք աշխատանքի ընդունելու: Հարցազրույցների անցկացումը  ճշգրիտ գիտություն չէ: Հետևաբար ձեզ մի մեղադրեք սխալների համար:

Ավելի օբյեկտիվ եղեք: Յուրաքանչյուր պաշտոնի համար պետք է լինի օբյեկտիվ գնահատականի ձև, ինչպես, օրինակ, թեստային առաջադրանքը:

Հարցազրույցի ժամանակ մի կենտրոնացեք նրա վրա, թե ինչով են մարդիկ զբաղվել անցյալում: Խոսեք այն պաշտոնի մասին, որի համար նրանք եկել են:

Պատրաստվեք հարցազրույցին` կազմելով անհրաժեշտ հարցերի ցանկ: Պարտադիր չէ բոլոր հարցերը տալ հերթականությամբ, բայց դրանք բոլորը պետք է հնչեցնել:

Խնդրեք ձեր հարցազրուցավարներին գնահատել յուրաքանչյուր դիմորդին: Հնարավոր են հետևյալ պատասխանները` «այո», «հավանաբար այո» և «ոչ»: Եթե նրանցից որևէ մեկը բացասական է գնահատում դիմորդին` մի ընդունեք նրան աշխատանքի: Ցանկալի է, որ ձեր հարցազրուցավարների պատասխանները մեծամասամբ դրական լինեն:  

Խնդրեք դիմորդներին պատմել իրենց սխալների մասին: Այդպես ավելի լավ կճանաչեք նրանց, քան, եթե նրանք խոսեն իրենց հաջողությունների մասին:

Մի ընդհանրացրեք: Որոշ մարդիկ ազատ են իրենց զգում հարցազրույցի ժամանակ, որոշներն էլ ոչ:

Անհրաժեշտ է մարդկանց մի շրջանակ ստեղծել (և պարտադիր չէ, որ բոլոր աշխատակիցները ներառված լինեն), ում  նվիրվածությունը անդրդվելի է: Դրանք այն մարդիկ են, ում վրա կարող եք հույս դնել նույնիսկ ամենաճգնաժամային իրավիճակներում: Երբ ընդունում եք մարդկանց աշխատանքի, ուշադրություն դարձրեք այդ առանձնահատկության վրա:  

  

Ներդրումների և ֆոնդերի ներգրավում

Մեզ դուր է գալիս, թե ոչ, միևնույն է մենք մշտապես գտնվում ենք ներդրումների ներգրավման գործընթացում: Մշտապես պարապեք ձեր ընկերության elevator pitch-ի վրա և պատրաստ եղեք այն ներկայացնել ամենուր, ամեն վարկյան և ամեն լսարանի դիմաց:

Հերթական միջոցների ներգրավումը հերթական ձեռք բերումն է:

Ներդրումներ ներգրավելու իմաստը, դա պատմություններ ներկայացնելու հմտությունն է: Ներդրողներին ավելի հետաքրքրում է ձեր պատմությունը, քան արձանագրված փաստերը:

Ներդրողներին զգուշորեն ընտրեք: Նրանք դառնալու են ձեր ամենամոտ մարդիկ, որոնց հետ դուք քննարկելու եք ամենակարևոր հարցերը: Հիանալի կլինի, եթե դուք կարողանաք աշխատեցնել ներդրողների հետ կապերը:

Փողեր պետք է ներգրավել, ոչ թե այն ժամանակ երբ նրանց կարիքը կա, այլ երբ ի հայտ են գալիս համապատասխան պայմաններ:

Ներգրավեք ինչքան հնարավոր է շատ գումարներ, քանի որ դրանք կարող են պետք գալ «սև օրերի» ժամանակ:

Զարգացրեք մերժումների իմունիտետ: Մերժումների մեծ թիվը նրանից չէ, որ ձեր ընկերությունը վատն է, այլ նրանից որ ներդրողները չեն հասկանում, թե ինչով է զբաղվում ձեր ընկերությունը: 99 մերժումը հավասարազոր է մեկ մարդու, ով կասի ԱՅՈ:

Թույլ մի տվեք որ ֆոնդերի հայթայթումը ձեզ շեղի ձեր հիմնական գործունեությունից: Սա ձեր համար առաջին աշխատանքն է, սակայն ոչ միակը: Դուք չեք կարող հրաժարվել ընկերության կառավարումից ֆոնդեր փնտրելու համար:

Այլ խորհուրդներ

Պարբերաբար գրքեր, կարդացեք: Դրեք նպատակներ ու ամեն ամիս կարդացեք առնվազն մեկ գիրք:

Կազմեք ծանոթությունների ցանց: Ձգտեք ծանոթանալ ինչքան հնարավոր է շատ մարդու հետ, մանավանդ ընկերության հիմնադրման սկզբնական շրջանում:

Վերձրեք արձակուրդ առանց մեղքի զգացումի: Այն ձեզ շատ ավելի շատ է պետք, քան ընկերության այլ աշխատակիցներին: Վերձրեք անսպասելի և հաճախակի արձակուրդներ: Դուք կզարմանաք, թե այդ ընթացքում ինչքան թարմ մտքեր են ծնվում ձեր ուղեղում:

Դուք պետք է շատ հանրային ելույթներ ունենաք, թե ընկերության ներսում, թե արտաքին լասարանի համար: Մի արեք դա պարտադրված, այլ կամավոր: Պատրաստվեք ամեն ելույթին, առավել ևս կարևոր և մեծ միջոցառումներից առաջ:

Ձեր գործն է աշխատել ընկերության թերությունների վրա: Առավելությունները իրենք իրենց գործը կանեն: Սակայն, դուք մշտապես պետք է մտածեք թե ինչը կարող է գնալ, ոչ այնպես, ինչպես պլանավորել եք:

Զբաղվեք սպորտով: Ընկերության ղեկավարումը բացասաբար է ազդում ձեր ֆիզիկական և հոգեբանական առողջության վրա: Սովորություն դարձրեք շաբաթվա ընթացքում մի քանի անգամ զբաղվել ձեր առողջության ամրապնդմամբ:

Դուք անընդհատ բանակցություններ եք վարում: Ներդրողների, գործընկերների, հաճախորդների, աշխատակիցների, թեկնածուների և այլ մարդկանց հետ: Ձեռք բերեք բանակցությունների վարման հմտություններ:

Հիշեք, ամեն անգամ, երբ դուք ինչ որ բանի համար ասում եք ԱՅՈ, մեկ այլ բանի ասում եք ՈՉ:

* Google-ի նախկին աշխատակից և Hacker Earth ծառայության հիմնադիր Սաչին Գուպտայի մտքերը ձեռնարկատիրության մասին: Նա սկսնակ ձեռներեցներին տալիս է տարբեր խորհուրդներ, թե ինչպես կայացնել որոշումներ, լինել առաջնորդ, ներգրավել ներդրումներ և անցկացնել խորհրդակցություններ…