#CoffeeChat. Բիզնես խնդիրների լուծումը՝ մեկ բաժակ սուրճի շուրջ

https://www.facebook.com/Samvelbusinessconsultant/

«Բի Էս Սի» Բիզնեսի Աջակցման Կենտրոն (BSC) խորհրդատվական ընկերության հիմնադիր Սամվել Գեւորգյանը գործարկել է նոր նախագիծ՝ #CoffeeChat, որի մասին նա պատմում է Banks.am-ի համար գրված իր հոդվածում։

Հայկական բիզնեսը կանգնած է երկու մարտահրավերների առջեւ: Առաջինը, երբ ներկա ճգնաժամի արդյունքում մասնավոր հատվածի հազարավոր ձեռնարկություններ ուղղակի արգելափակված են ու հնարավորություն չունեն վարելու նորմալ գործունեություն: Երկրորդը, երբ այդ դադարի շրջանում բիզնեսը վերաբեռնավորվելու հնարավորություն է ստանում: Եվ, խնդիր է դրված բիզնեսի սեփականատերերի առջեւ՝ ինչպես արագ եւ արդյունավետ արձագանքել այս իրավիճակում:

Երբ մեկ ամիս առաջ այդ մարտահրավերները դեռեւս ակտուալ չէին, «Բի Էս Սի» բիզնեսի կառավարման խորհրդատվական ընկերությունում ծնվեց «#CoffeeChat Սամվել Գեւորգյանի հետ» գաղափարը. ի սկզբանե հիմքում դրված էր բիզնեսի խնդիրների արագ ախտորոշման եւ արդյունավետ լուծումներ գտնելու գաղափարը:

#CoffeeChat-ի համար ընտրված ձեւաչափերը լուծում են տարբեր խնդիրներ: Երկկողմանի հանդիպումը գործող բիզնեսի հիմնադրի, տնօրենի կամ մենեջերի հետ նպատակ ունի ի հայտ բերել արտաքին եւ ներքին բոլոր այն խոչընդոտները, որոնք արգելափակում են բիզնեսի արագ զարգացմանը:

10-կետ՝ Ձեր ընկերության հաջողված #SMM արշավի համար

Սոցիալական հարթակներում ակտիվ բոլոր բիզնեսների համար մի քանի կարևոր կետ ենք առանձնացրել արդյունավետ #SMM արշավի համար։ Կարդացեք, եթե Ձեր բիզնեսին էլ է օդ ու ջրի պես պետք գրագետ ռազմավարություն ցանցերում։

1․ Սահմանեք նպատակներ

Նպատակներն էլ պետք է տեսակավորված լինեն՝ վաճառքի մեծ ծավալ, նոր մասնաճյուղեր, նոր շուկաներ։ Տեսակավորելու համար օգտագործեք SMART մեթոդը՝

• Հստակ - Specific (քանի տոկոս աճ եք ուզում ապահովել, քանի անուն նոր ապրանքատեսակ կամ որ լսարանին եք ուզում թիրախավորել):
• Չափվող - Measurable (հետազոտություններ, ուսումնասիրություն՝ որտեղից և ինչպես է հաճախորդը գտել, ընտրել քո բիզնեսը, ինչ հաճախականությամբ է օգտվում):
• Հասանելի  - Attainable (իրական ու հեռու ուտոպիական թվերից՝ սկսնակ բիզնեսի համար մեկ ամսում 1 000 000 մլն դրամի շրջանառություն):
• Իրատեսական - Realistic (ընկերության տեսլականի և գործունեության ոլորտների հետ համապատասպանությունը կօգնի սահմանել ճիշտ նպատակներ):
• Ժամանակային – Time-bound (սահմանել ու հետևել deadline-ներին, որոնք քո նպատակը կպահեն «Պիտանելիության ժամկետի» մեջ):

Բիզնեսում հաջողելու մի քանի գաղտնիք

Ինչու՞ սկսել բիզնես, պատասխանը պարզ է՝ բարելավելու համար կյանքի որակը՝ անկախ լինելու, երազանքներն իրական դարձնելու, երջանիկ ապրելու միջոցով։ Սրանք այն ցանկություններն են, որոնք մարդկանց տանում են բիզնես հիմնադրելու մտքին։ Իսկ ինչպե՞ս հաջողել բիզնեսում, ի՞նչ գործիքակազմ կիրառել, ինչերի՞ պատրաստ լինել և ինչի՞ց սկսել։ Բիզնեսի մեկնարկը հաջողելու հայտնի և տարածված սկզբունքներից մի քանիսին մեզնից շատերն արդեն տիրապետում են՝ բիզնեսի հստակ պլանավորում, կազմակերպում, ղեկավարում և զարգացում, որոնք անհերքելի կարևորություն ունեն։ Հազարավոր գրքեր և հոդվածներ են գրվել բիզնեսում սուպերհերոս դառնալու ձևերի և կանոնների մասին, բայց հազարավորներն էլ չեն գրվել ու պահվել են թաքուն: Ստորև առանձնացված երեք կետերը հենց այդ գաղտնիքներից են...

7 քայլ, որոնք կօգնեն քո էջի առաջխաղացմանը

Սոցիալական ցանցերում այսօր կարելի է գնել,  գովազդել, վաճառել, առաջարկել կամ պարզապես կարծիք հայտնել, բողոքել, ձեռնարկել և հաջողել։ Մենք առաջարկելու ենք մի քանի քայլ, որոնք կօգնեն քեզ ճիշտ և արդյունավետ կազմակերպել քո ծառայության կամ ապրանքի էջավարումը այս տիրույթում։

1.  Կենտրոնացիր այն կետերի վրա, որոնցով քո էջի ռեսուրսը կարող է հետաքրքիր կամ օգտակար լինել։ Հաճախակի հարցրու քեզ՝ ո՞վ է իմ թիրախային լսարանը, ու՞մ համար են արվում իմ հրապարակումները։

2.  Հավաքագրիր տեղեկատվություն բոլոր «հակառակորդ», մրցակից կազմակերպությունների մասին, գտիր քո յուրօրինակություն ու տարբերությունը ոլորտի մնացած ներկայացուցիչներից։ Անկեղծորեն ինքդ քեզ խոստովանիր՝ որ կետում ես պարտվում, և փորձիր զարգացնել այն։

3.  Որոշիր քո էջում հրապարակվող նյութերի 5-7 թեմա նախնականում։ Այդ թեմաների համար առանձնացրու օրեր և հստակ սահմանիր քո հրապարակումների ձեռագիրը՝ հեշթեգեր, դիմելաձևեր, կառուցվածք։

4.  Նախագծիր նվազագույնը երկշաբաթյա կոնտենտ պլան՝ նախապես մշակված թեմաների շուրջ։ Այսպես ավելի հեշտ կկարողանաս համակարգել հրապարակումները և կազմակերպել արդյունավետ էջավարում՝ ողջ շաբաթվա համար։

5.  Հիմա ճիշտ ժամանակն է մտածել լավ վիզուալ պատկերներ, կարգախոսներ, ավատարներ ունենալու մասին՝ հրապարակումդ ավելի հետաքրքիր դարձնելու համար։ Աշխատիր երբեք չկրկնօրինակել նույնիսկ հաջողված օրինակները։

6.  Անընդհատ հետևիր հրապարակումների տակ ծավալվող մեկնաբանություններին, ռեակցիաներին և ուշադիր եղիր, թե ինչ է ակնկալում քեզնից քո էջի բաժանորդը։ Հետադարձ կապով հաճախակի անցկացրու հարցումներ՝ էջավարման որակը ստուգելու նպատակով։

7.  Լավ ուսումնասիրիր սոցիալական հարթակների վճարովի և անվճար բոլոր հնարավորությունները։

Չմոռանանք նաև մի կարևոր կետ՝ սոցիալական էջիդ կոնտենտը հարմարեցրու այն ծառայությանը կամ ապրանքանիշին, որը ներկայացնում ես։ Քեզ հաջող ընթացք։

Կիսվիր հրապարակմամբ, թող ընկերներդ էլ ինֆորմացվեն ;)

4 հետաքրքիր փաստ փոքր բիզնեսի մարքեթինգի մասին

4 հետաքրքիր փաստ փոքր բիզնեսի մարքեթինգի մասին

Մտածում ես՝ գիտե՞ս ինչպես վարել փոքր բիզնեսի մարքեթինգը: Նորից մտածիր: Ոլորտում փոփոխությունները շատ արագ են լինում: Քեզ ենք ներկայացնում չորս հետաքրքիր փաստեր, որոնք կարող են հուշում դառնալ քո փոքր բիզնեսի մարքեթինգի պլանը գրելիս:

1.    Շատ բիզնես ընկերություններ դեռ չունեն իրենց վեբ կայքը

Մեր ժամանակներում ամենակիրառելի գործիքներից մեկը՝ օնլայն հարթակը, շատ բիզնես ընկերությունների համար իրացվելու հրաշալի հնարավորություն է: Այնուամենայնիվ, SCORE-ը պարզել է, որ փոքր բիզնեսի 51% -ը ունի վեբկայք: Նման պատկեր գուցե առաջանում է փոքր բիզնեսի սեփականատերերի անհանգստության արդյունքում, թե վեբ կայք ստեղծելը թանկարժեք տեխնիկական գլխացավանք կլինի: Սա ճշմարտացի կլիներ մտածել 90-ականներին: Այժմ, Wix-ի և վեբ կայքերի այլ պարզեցված ծառայությունների միջոցով միանգամայն հնարավոր է կայք ստեղծել մեկ օրվա ընթացքում` առանց կոդավորման հմտությունների և համեստ բյուջեով:

Եթե դու ունես փոքր բիզնես, որը դեռ չունի կայք, կարող ես ուսումնասիրել բոլոր օնլայն հնարավորությունները  National Federation of Small Businesses-ում:

ՔՈ Բիզնեսը

«Ինձ խորհուրդ է պետք` ինչպե՞ս իմ գաղափարը բիզնես դարձնեմ, ինչից սկսեմ, ինչպես զարգացնեմ: 
Ես 1,000 անգամ մասնակցել եմ տարբեր թրեյնինգների, սեմինարների... ինձ ռեալ բիզնես խորհրդատվություն է պետք: Նստենք, խոսենք գործից, գործիքներից, ուղիներից, հնարավորություններից, ներդրումներից, հաճախորդներից ու իմ բիզնեսից…»

Գտա՞ր քեզ վերևում…

Ի՞նչ է սա

Պատկերացրու ԱՆՀԱՏԱԿԱՆ, դեմառդեմ խորհրդատվություն փորձառու բիզնես խորհրդատուների հետ` միայն ու միայն քեզ համար: «ՔՈ Բիզնեսը» նոր ֆորմատ է քո բիզնեսի, գաղափարի քննարկման, զարգացման, պիտանի, կիրառելի և աշխատող հմտությունների ձեռքբերման, բիզնես խորհրդատվության համար: 3 օր, 3 ժամ տևողությամբ անհատական բիզնես խորհրդատվության նպատակը բիզնես աշխարհում քեզ թռիչքի, բարձր թռիչքի համար պատրաստելն է: Փորձառու բիզնես խորհրդատուները կկանգնեն կողքիդ, կուղղորդեն, կսովորեցնեն, կտրամադրեն գործիքներ, նյութեր ու կօգնեն քեզ …

Բիզնես գրքի և գրքի բիզնեսի մասին

Սամվել Գևորգյանի, Վահագն Դիլբարյանի և Վահրամ Միրաքյանի հարցարզրույցները VivaroNews.am կայքին

Սամվել Գևորգյան

«Բի Էս Սի» Բիզնեսի Աջակցման Կենտրոնի հիմնադիր-տնօրեն

Գիրք - «Քո սեփական բիզնեսը Հայաստանում» (գիրքը բաղկացած է 4 հիմնական մասից և 22 գլխից: Այն հասցեագրվում է թե՛ սկսնակ, թե՛ արդեն փորձառու ձեռներեցներին: Գրքի շնորհանդեսը կկայանա նոյեմբերի 28-ին, ժամը 18:00-ին:

Մի քանի գրքերի համահեղինակ. «Ինչպես սկսել սեփական բիզնես Հայաստանում», 3 հրատարակություն 2003-2010թթ., «Մարքեթինգը Հայաստանում»,  2 հրատարակություն 2001-2003թթ., «Կորպորատիվ սոցիալական պատասխանատվություն. Ուղեցույց հայկական կազմակերպությունների համար», 2010թ.

«Քո Սեփական Բիզնեսը Հայաստանում»

Ցանկանու՞մ ես սկսել քո սեփական բիզնեսը Հայաստանում: Շատերն են ասում, թե շատ դժվար է լինելու կամ նույնիսկ անհնար: Դու էլ ե՞ս արդպես կարծում: 

Իմացի՛ր, միակ անհրաժեշտությունը քո կամքն է, հնարամիտ լինելը, աշխատասիրությունը, մոտիվացիան, ու հավատը: Իսկ այս բոլորի բանալին կարող ես գտնել «Քո Սեփական Բիզնեսը Հայաստանում» գրքի յուրաքանչյուր էջում:

Գիրքը բաղկացած է 21 գլխից, որոնք բաժանված են 4 հիմնական մասի՝ 

o        Պլանավորիր քո բիզնեսը

o        Կազմակերպիր քո բիզնեսը

o        Կառավարիր քո բիզնեսը

o        Զարգացրու քո բիզնեսը

Բովանդակությունն ու գլուխները կառուցված են այնպես, որ օգտակար կլինի կարդալ հերթականությամբ՝ նախաբանից մինչև վերջաբան, ինչպես նաև ըստ անհրաժեշտության՝ անդրադառնալ առանձին գլուխների, որոնց թեմաներն ընթերցողին ավելի կհետաքրքրեն: Վերջաբանի փոխարեն գրված լրացուցիչ 22-րդ գլխի գաղափարն այն է, որ եկել է ժամանակը՝ գործելու, ինքնակազմակերպվելու և Հայաստանում բիզնես սկսելու: Կա նաև լրացուցիչ, 22-րդ գլուխ, որն իր մեջ որոշակի գաղտնիքներ է պարունակում: Գրքի ծավալը կազմում է 560 էջ:

Երկու հիմնական հարց՝ հարկային օրենսգրքի վերաբերյալ

Հարցերին պատասխանում է «Պարադիգմա Արմենիա» խորհրդատվական — հետազոտական ընկերության հիմնադիր Ահարոն Չիլինգարյանը:

• Ինչու՞ Է կարևոր Հարկային Օրենսգրքին ծանոթանալ հիմա, ոչ թե դրա ուժի մեջ մտնելուց՝ 2018 թ. հունվարի 1-ից հետո:

— Հարկային օրենսգիրքն ընդունվել է 2016թ. հոկտեմբերի 4-ին: Այդպիսի փաստաթուղթ առաջին անգամ է ընդունվել Հայաստանում: Մի քանի դրույթներ արդեն իսկ ուժի մեջ են մտել այս տարվա սկզբից, իսկ հիմնական մասը ուժի մեջ է մտնելու ընդամենը երեք ամսից: Ընկերությունները կարևոր պիտի համարեն վաղօրոք իմանալ հարկային հարցում սկզբունքային փոփոխությունների մասին՝ իրենց համապատասխան քաղաքականություններում և երբեմն նաև կոնկրետ բիզնես որոշումներում ըստ անհրաժեշտության փոփոխություններ կատարելու համար, ինչպես նաև 2018թ. համար կորպորատիվ բյուջետավորման հաշվարկներ կատարելու նպատակով:

Quick Start-ի մասին և ոչ միայն...

Մեկ տարի առաջ, հոկտեմբերի 18-ին, տեղի ունեցավ Quick Start-ի շնորհանդեսը: Որոշեցինք հիմա մեծ շուքով չնշել, քանի որ մտածելու, վերլուծելու և թիմով ապագա պլաններ մշակելու կարիք կար: 

Կուզենայի նշել մի քանի փաստեր, թե ինչ լուրջ ձեռքերումներ ունեցանք այս մեկ տարվա ընթացքում.

1. Quick Start-ը դարձավ իսկական բրենդ: Որպես գաղափար, որպես ընկալում, որպես մոտեցում: Իսկ երբ դա փաստում են իսկական պրոֆեսիոնալները, դա արդեն բավարարվածության այլ կատեգորիա է: Երբ մայիսին տեղի ունեցած մեր լավագույն գործընկերներից Skill.am-ի պաշտոնական բացման ժամանակ անցկացվող վիկտորինայի ընթացքում հնչեց «Ո՞րն է BSC Business Support Center-ի կողմից այս տարվա ընթացքում իրականացված ամենահայտնի նախագիծը» և հնչեց Quick Start պատասխանը, ուրախությանս ու հպարտությանս սահման չկար:

ՇՈՒՏՈՎ ԼՈՒՅՍ ԿՏԵՍՆԻ !!! 
«Քո Սեփական Բիզնեսը Հայաստանում» գիրքը բաղկացած է 4 հիմնական մասից և 22 գլխից: Բովանդակությունն ու գլուխները կառուցված են այնպես, որ օգտակար կլինի կարդալ հերթականությամբ՝ նախաբանից մինչև վերջաբան, ինչպես նաև ըստ անհրաժեշտության՝ անդրադառնալ առանձին գլուխների, որոնց թեմաներն ընթերցողին ավելի կհետաքրքրեն: Գրքում ներառված բոլոր՝ հայկական ընկերությունների վերաբերյալ օրինակներն իրական են:
Գիրքը հասցեագրվում է թե՛ սկսնակ, թե՛ արդեն փորձառու ձեռներեցներին: Օգտակար է այն ուսանողների համար, որոնք հետաքրքրված են բուհական «Ձեռնարկատիրություն» առարկայով, և այն դասախոսների, որոնք դասավանդում են տնտեսագիտական ու բիզնեսին առնչվող առարկաներ: Գիրքը նախատեսված է նաև միջազգային գործակալությունների, հասարակական կազմակերպությունների և պետական կառույցների համար, որոնք աջակցում են Հայաստանում ՓՄՁ զարգացմանը:
Դիզայնի համար հատուկ շնորհակալություն՝ Doping Creative Advertising-ին:
#ՔոՍեփականԲիզնեսըՀայաստանում

Ամառը թեժ ստացվեց: Սկսվեց Գյումրիում, ավարտվեց Գորիսում: Հիմնական այցելությունները կապված էին 2 թեմայի հետ. Վաճառքի և սպասարկման թրեյնինգներ և խորհրդատվություն մասնավոր ընկերություններին, ինչպես նաև սկսնակներին և սեփական բիզնես հիմնադրած անձանց աջակցություն և դասընթացներ Հայաստանի բոլոր մարզերում: 

Երեք ամսում 7,000+ կմ և մոտ 100 ժամ մեքենայի ղեկին՝ շրջելով Հայաստանի բոլոր մարզերով (բացի Արցախից, ուր ձմեռը արդեն եղել էի): Իմ կողմից այցելած համայնքների թիվը ավելացավ 52-ով՝ դառնալով 880: Մնաց 35 գյուղ (հիմնականում Ամասիայի, Մեղրու, Աշոցքի և Վարդենիսի տարածաշրջաններում ), որպեսզի վստահորեն ասեմ, որ 23 տարվա ընթացքում եղել եմ Հայաստանի բոլոր 915 համայնքներում: Թվերը մի կողմ, բայց կարևորը մարդիկ են: Մարդիկ, ովքեր ապրելով հեռավոր գյուղերում, փոքր քաղաքներում, չնայած բոլոր դժվարություններին փորձում են ստեղծել, արարել, առաջ գնալ ու զարգանալ: Մենք էլ անում ենք ամեն ինչ նրանց համար նարավորություններ ստեղծելու համար:

Առաձին կուզեի 2017թ. օգոստոսի մասին խոսել, որը էապես տարբերվեց անցած 20 տարիների օգոստոսներից՝ իր գործարար ակտիվությամբ: Փաստ է, որ այս տարվա օգոստոսի աշխատանքների ծավալը հավասարվեց ամենաակտիվ ամսիներին, չնայած անցյալ տարիներին շատ ցածր էր կամ հավասարվում էր զրոյի: Սա ոչ միայն իմ կարծիքն է, այլ իմ համարյա բոլոր ընկեր, գործընկերների, ովքեր նույնպես վկայում են օգոստոսի ակտիվության մասին: Սա շատ լավ նշան է, որ հայերովս «մեզ չենք անջատում» օգոստոսին ու աշխատում ենք: Ավելի քչերն են սկսել ասել «գործ չկա», «անելու բան չկա»: Դե ուրեմն, այս լավատեսական տրամադրությամբ դեպի էլ ավելի ակտիվ աշուն, որտեղ մեզ շատ հնարավորություններ ու մարտահրավերներ են սպասում:
#ՀայաստանիՃամփեքին #ԹեժԱմառ# ՔոՍեփականԲիզնեսըՀայաստանում 

Ինչպե՞ս բարձրացնել շուկայի զարգացման մասնագետների կատարողականը

Աշխատանքային հայտարարությունների ցանկացած կայք բացելիս անհնար է չնկատել, որ աշխատաշուկայում ամենաշատ պահանջարկ ունեցող մասնագիտություններից մեկը շուկայի զարգացման մասնագետն է: Հաճախ միևնույն ընկերության նման հայտարարությունը կայքում մնում է բավականին երկար, ինչից կարելի է ենթադրել, որ շուկայի զարգացման լավ մասնագետ գտնելը հեշտ գործ չէ:

Իսկ ի՞նչ են պահանջում ընկերությունները շուկայի զարգացման մասնագետից:

Երբ ընկերության ղեկավարը փնտրում է շուկայի զարգացման մասնագետի, առաջին բնութագրիչը, որը մտքով անցնում է, «քթի ծակով մարդ» լինելն է: Այստեղից էլ հենց սկսվում են դժվարությունները, չէ՞ որ նման մարդկանց թիվը խիստ սահմանափակ է: Բացի դրանից, նման մարդկանց պարագայում առկա են ևս 3 խնդիրներ.

7 բնորոշ գիծ, որ պետք է ունենա յուրաքանչուր մարդկային ռեսուրսների կառավարիչ

Հայտնի է, որ մարդկային ռեսուրսների կառավարման բաժինը պատախանատու է ընկերության ռազմավարությանը համապատասխան անձնակազմի պլանավորման, աշխատանքային նկարագրերի կազման, նոր աշխատակիցների հավաքագրման, անձնակազմի կատարողականի գնահատման արդյունավետ մեթոդների մշակման համար: Հաճախ այն հանդիսանում է ղեկավարությանը և աշխատակիցներին կապող հիմնական օղակը:

Իսկ ի՞նչ բնորոշ գծերի, հմտությունների տեր մարդիկ կարող են հաջողության հասնել  մարդկային ռեսուրսների  կառավարման ոլորտում:

Ձեզ ենք ներկայացնում ոլորտի փորձագետների, ինչպես նաև առաջատար կայքերի  կողմից առաջարկված 7 բնորոշ գծեր, որոնք կարևոր են մարդկային ռեսուրսների կառավարիչների համար:

Կառավարչական թվային մարքեթինգ

Ի՞նչ է կառավարչական թվային մարքեթինգը:

Այն հնարավորություն է տալիս ընկերությունների սեփականատերերին, տնօրեններին և մենեջերներին որոշումներ կայացնել թվային մարքեթինգի ռազմավարության, գործիքների կիրառման արդյունավետության, մարքեթինգային թիմի արտադրողականության, բյուջեի և այլ կարևոր հարցերի շուրջ:

Առաջին հայացքից տպավորություն կարող է ստեղծվել,  թե թվային մարքեթինգով զբաղվելը այդքան էլ դժվար չէ: Սոցիալական ցանցերում պրոֆիլներ ու էջեր բացելը րոպեների հարց է: Ապրանքների կամ ծառայությունների վերաբերյալ նկարներ, հայտարարություններ, տեքստեր տեղադրելը լրիվ անվճար է: Կարելի է ոչ մեծ գումար ծախսել ֆեյսբուքյան գովազդի և որոշ քանակությամբ «չինական Like»-եր հավաքելու նպատակով: Ավելին, վեբկայք և էլեկտրոնային հասցեների ցանկ ունենալն էլ առանձնապես խնդիր չէ` թե´ գումարային, թե´ ժամանակային առումով:

Ձեռնարկատեր լինելու մասին. 3-րդ մաս*

Ժողովներ

Ձեզ դա դուր է գալիս թե ոչ, բայց դուք պետք է ժողովներ անցկացնեք: Կարևորը դրանց արդյունավետությունն է: Գոյություն ունի ժողովի երկու տեսակ. որոշումներ կայացնելու և աշխատակիցներին տեղեկատվություն տրամադրելու համար: Առաջինի արդյունավետությունը կախված է միայն ձեզանից, երկրորդինը` թիմի պատրաստվածությունից: Հրաժարվեք կամայական տեսակի ժողովներից, եթե դուք մտադիր չեք որոշում կայացնելու, կամ եթե դուք ոչինչ չունեք ասելու միմյանց:

Եթե անպատրաստ ներկայանաք ժողովին, դուք կծախսեք ներկաներից յուրաքանչյուրի ժամանակը: Գոյություն ունի ընդհանուր սկզբունք. յուրաքանչյուր մեկ ժամանոց ժողովին պատրաստվելու համար պետք է ծախսել 30 րոպեից ոչ պակաս:

Հարկավոր չէ ներկա լինել յուրաքանչյուր ժողովին: Որպես ընկերության հիմնադիր, ձեզ մոտ հնարավոր է առաջանա նման գայթակղություն: Պատրաստ եղեք դիմադրել:

Անկեղծ հարցրեք աշխատակիցներին, արդյոք կա ձեր ներկայության կարիքը: Եթե կա, ապա խնդրեք ուղարկել օրակարգը, և հստակեցրեք, ինչ է ձեզանից պահանջվում: Եթե ոչ` հրաժարվեք:

Ձեռնարկատեր լինելու մասին. 2-րդ մաս*

Կորպորատիվ մշակույթ

Դուք եք ձեր ընկերության կորպորատիվ մշակույթի պահապանը: Միայն դուք եք որոշում ինչն է ընդունելի, ինչն ոչ: Եթե ձեզ համար միևնույն է և դուք անտարբեր եբ, ապա դուք ոչնչացնում եք մշակույթը:

Միշտ ավելի հեշտ է աշխատանքի ընդունել համախոհների, քան փորձել համոզել նրանց, ովքեր չեն հավատում ձեր մշակույթին: Եթե դուք պատրաստվում եք վարձել լավ մասնագետի, ով չի կիսում ձեր արժեքները, ապա հաստատ չարժե:

Դուք ստիպված կլինեք խոսել, բղավել, հուշել, կրկնել, երգել, հիշեցնել ընկերության արժեքների մասին: Մշակույթը մշակույթ է դառնում միայն այն ժամանակ, երբ այն շարունակաբար գտնվում է եթերում:

Լավ կորպորատիվ մշակույթի որևէ սահմանում գոյություն չունի: Այն չպետք է լինի ուտոպիստական, բայց պետք է առաջացնի աշխատակիցների արձագանքը:

Ձեր մշակույթը պաշտամունք չէ: Պետք է պահպանել միայն ընդհանուր սկզբունքները, իսկ ձևն ու բնույթը արագ կզարգանան ընկերության աճի հետ մեկտեղ:

Իդեալական մշակույթը հիմնված է երկու սկզբունքների վրա. ուրիշների աշխատանքի նկատմամբ հարգանք և բաց հաղորդակցություն: 

Ձեռնարկատեր լինելու մասին. 1-ին մաս

Google-ի նախկին աշխատակից և Hacker Earth ծառայության հիմնադիր Սաչին Գուպտայի մտքերը ձեռնարկատիրության մասին: Նա սկսնակ ձեռներեցներին տալիս է տարբեր խորհուրդներ, թե ինչպես կայացնել որոշումներ, լինել առաջնորդ, ներգրավել ներդրումներ և անցկացնել խորհրդակցություններ…

Ընդհանուր Խորհուրդներ

Ձեռնարկատիրությունը չափազանց ծանր աշխատանք է: Կարևոր չէ, դուք պատրաստվել եք լինել ձեռնարկատեր թե ոչ, կամ ստացել եք հատուկ կրթություն: Միևնույն է, դա քիչ է:

Ձեզ կթվա, որ դուք տանուլ եք տալիս բոլոր ճակատներում: Բայց դա այդպես չէ: Դուք պետք է համառ լինեք:

Անորոշությունը ձեռնարկատիրական գործունեության բնորոշիչ հատկանիշ է: Ոչ մի երաշխիք չկա, որ դուք կդիմանաք մեկ տարի, մեկ ամիս, նույնիսկ մեկ շաբաթ: Ընդունեք դա որպես իրողություն:

Ղեկավարումը դա անցում է սևագործ աշխատանքից դեպի աշխատակիցներին հանձնարարություններ տալը` ընկերության աճին զուգընթաց:

Բիզնեսմենի ֆինանսական գրագիտության կամ նրա բացակայության մասին

Քանի որ մի տեսակ եսակենտրոն ենք, հաջողությունները վերագրում ենք մեզ, իսկ ձախողումների դեպքում փնտրում ենք մեղավորներ: Նույնը բիզնեսում: Ոչ մի տարբերություն: Մի փոքր հաջողություն, 1-2 նոր հաճախորդ, մեկ հաջողված պայմանագիր ու միանգամից առաջ է գալիս բիզնեսի տիրոջ «ես»-ը:  Իսկ, երբ ձախողվում ենք, ո՞վ է մեղավոր. երկիրը, հարկայինը, հաճախորդները, աշխատողները… բոլորը, բայց ոչ բիզնեսի տերը:

Մեր բոլոր ձախողումներում, լինի անձնական, ֆինանսական, թե բիզնես, իր մեծ «ներդրումն» ունի ֆինանսական գրագիտության բացակայությունը, ավելի ճիշտ` ֆինանսական անգրագիտությունը: Սա հատկապես վերաբերվում է ՓՄՁ սեփականատերերին, քանի որ այս խումբն է, որը միայնակ «պայքարում» է մի քանի ուղղությամբ. խոշոր բիզնես, հարկային, մաքսային, բանկեր և այլ ճակատներ: Այս խմբի համար ֆինանսական գրագիտությանը տիրապետելը ունի ճակատագրական նշանակություն:

Հայաստանի տնտեսության «պարզ կառուցվածքը»

Հայաստանի տնտեսությունը ունի «պարզ կառուցվածք»` բաղկացած 2 մասից. ներքին սպառումն ապահովող և արտահանմանը միտված:

Ներքին սպառման ուղղություններից են` ներմուծումը, Հայաստանի բնակչությանը մատուցվող տարատեսակ ծառայությունները, ինչպես նաև փոքր և մեծ արտադրությունները, որոնք միտված են ծածկելու ներքին պահանջարկը: Իսկ շուկան մեզ մոտ բավականինփոքր է, հաշվի առնելով բնակչության առկա թիվը, ինչպես նաև մարզային և քաղաքային բնակչության եկամուտների անհամաչափբաշխվածությունը:

Հանքարդյունաբերությունը չեմ դիտարկում, քանիոր կարծում եմ Հայաստանի ընդերքի շահագործումը երկարաժամետ կտրվածքով անդառնալի ու ծայրահեղ բացասական հետևանքներ է թողնում Հայաստանի բնակչության առողջության և, հետևաբար, ապագա սերունդների վրա: Չնայած կարճաժամկետ կտրվածքով ապահովում է հանքարդյունաբերության ոլորտի աշխատակիցների որոշակի եկամուտ, ինչպես նաև ապահովում է պետական բյուջեի մի մասը: